სახეობა: Epigaea gaultherioides

სინონიმები: Orphanidesia gaultherioides

გავრცელება: საქართველო – აჭარა: ნამწვავის წყლის ხეობა მახუცეთსა და მახინჯაურს შორის, მთა ყოროლის თავი.

ჰაბიტატი: იზრდება ტენიან ადგილებზე, მთის შუა, ზედა და სუბალპურ სარტყლებში, ფოთლოვანი ტყეების ქვეტყეში, წიფლნარში, მედვედევის არყნარში, უნგერნის და პონტური შქერის რაყებში.

კონსერვაციის სტატუსი (საერთაშორისო)
NE (არ არის შეფასებული)

კონსერვაციის სტატუსი (ეროვნული):
VU (მოწყვლადი)

შენიშვნა: Epigaea-ს გვარში 3 სახეობაა: E. repens L – გავრცელებულია ჩრდ. ამერიკის აღმოსავლეთ ნაწილში, E. asiatica Maxim. – იაპონიაში, E. gaultherioides – აჭარასა და თურქეთში აჭარის მოსაზღვრე ტერიტორიაზე. აჭარა-ჭანეთის ვიწრო ლოკალური ენდემური სახეობაა, მნიშვნელოვანია ფლორის ისტორიის შესწავლისთვის. მისი პოპულაციები დაცულია მტირალას ეროვნულ პარკში, დეკორატიული მცენარეა.

რიცხოვნობა: გვხვდება ერთეულებად ან პატარა ჯგუფებად. ინფორმაცია საქართველოში მისი რაოდენობის შესახებ არ არსებობს.

* ბუნების დაცვის მსოფლიო კავშირის (IUCN) მიერ განსაზღვრული საფრთხის დონეები: საჭიროებს ზრუნვას (LC); საფრთხესთან ახლოს მყოფი (NT); მოწყვლადი (VU); საფრთხეში მყოფი (EN); კრიტიკულ საფრთხეში მყოფი (CR); ეროვნულ დონეზე გადაშენებული (RE); ბუნებაში გადაშენებული (EW); გადაშენებული (EX); არ არის შეფასებული (NE); არასრული მონაცემები (DD)